حجزت طيران وسكن ف سويسرا - ايطاليا - فرنسا باقي حجز السياره؟

Question

حجزت طيران وسكن ف سويسرا - ايطاليا - فرنسا وكلشي باقي حجز السياره وقالو لازم بطاقه ائتمانيه رحت البنك رفض قالو راتبك م يغطي وش الحل لازم سياره .

Answer 1

اذا السياره من سويسرا فتجربتي الشخصيه رفضو تماما اي بطاقه غير البطاقه الائتمانيه ( مدى - بطاقة السفر من الاستثمار ) ولازم يكون في نفس البطاقه قيمة استئجار السياره + ( التامين كاملا ) لانهم بيحجزون عليه. ولايقبل الكاش.

Answer 2

سويسرا انترلاكن وضواحيها وباريس ما يحتاج سياره. اذا تعرف تدير امورك بالمترو. ايطاليا ما زرتها

Answer 3

افتح حساب اونلاين بعد اكتمال التسجيل يرسلون رقم الحساب وتستخرج بطاقة المسافر عن طريق الصراف لبنك الاستثمار ومجانيه الان

Answer 4

اول شي رح بنك الراجحي وخذ اقل بطاقه ائتمانيه عندهم بيوافقون غالبا يمكن اسمها بلاتينيوم ، دور لين ماتلقى احد يوافق لك او طلع باسم اخد ثاني يثق فيك ويطلع لك بطاقه رديفه بس الدفع بيكون عليه وانت تسدد له ، وفي حالات استثنائيه بعض الشركات تقبل بطاقه مسبقة الدفع كسفر ويشترطون تامين شام

Answer 5

اتوقع ان بطاقة المسافر ما يشوفون الراتب ، و تقدر تتنقل بين المدن بالسيارة

Answer 6

انا استاجرت من شركة سكست من فرنسا واعطيتهم بطاقه السفر من السعودي للا ستثمار وقبلوها ومشت معاههم بطاقه مسبقه الدفع مو فيزا

Answer 7

الي استوقفني ماشالله انك حاجز ثلاث دول وطيران وسكن وراتبك مايكفي بطاقة ائتمانية كيف بس انا ما اعرف اي بنك الي رفض يعطيك لكن اقرب فرع لبنكك روح وقابل مدير الفرع وقله ابي بطاقة ائتمانية بأقل حد ممكن غالبا يتعاونون معك يكون حدها ٥ الاف او ٦ او ٧

Answer 8

شكلك بتتورط بهالسفرة..الفنادق مالم يكون معك كريديت كارد بالغالب يرفضون حتى لو مسدد مسبق واذا وافقو يطالبوك بوضع مبلغ نقدي ضمان مسترد بسبب عدم وجود بطاقة ائتمانية ضامنه.وتأجير السيارات اصلا يرفضو تماماً.

Answer 9

كيف راتبك ما يغطي وانت ماشاء الله مطلع الشنغن وحاجز فنادق وامورك تمام طيب عندك الراجحي او stc pay عندهم بطاقة مدفوعة ممتازة وسهلة

Answer 10

طلع فيزة الراجحي سفر بلس واذا مانفع طلع فيزة التسوق الي تشحنها بعض المرات تمشي وقد استخدمتها انا

Answer 11

كيف كذا حاجز كل هالدول وماحد يعطيك فيزا اقلها السعودي للاستثمار مجاناً تطلع واونلاين

Answer 12

كثير من الشركات صارت ما تطلب بطاقة ائتمانية ومنهم مثلا شركة Sixth و Herts و Thrifty.. بطاقة السحب العادية (Debitcard) تمشي بس تكون صادرة من بنك وتحت visa او Mastercard و الأسم يكون مطبوع بحروف بارزة.. تواصل مع الشركات وحط خيار الدفع ببطاقة السحب

Answer 13

خذ بطاقة سفر الراجحي . بطاقة ائتمانية انت تودع فيها فلوس وتطلبها من التطبيق وخلال اسبوع تستلمها

Answer 14

لازم بطاقة ائتمانية لتضمن استلام السيارة بدون مشاكل اللي يقولون لك مسبقة الدفع تنفع: انا بجاوبك بحكم تجاربي وخبرتي عام ٢٠١٢ رحت لسويسرا ببطاقة مسبقة الدفع كان فيه سياح قبلي رفضها منهم بس انا قبلها يمكن لاننا عائله ومعنا اطفال تساهل معنا بس اخذ وديعة مرتفعه جداً أثرت بميزانيتي مره

Answer 15

انا الاسبوع اللي فات كنت في سويسرا ودفعت الوديعه ( 500 ) فرنك ببطاقة سفر الاستثمار واستلمت السيارة

Answer 16

خذ بطاقة مسبقة الدفع من البنك الي عليه راتبك ، وسقها عليهم ( طريقة مجربة )

Answer 17

مايحتاج سياره تري وسائل المواصلات عندهم أسهل وحلوه ترام باصات وغيره السياره عندهم مكلفه بانزبن والمواقف بفلوس غير كذا انت تعبي البانزين واي خراب انت من يصلحه والتأمين مشكله يعني شغله

Answer 18

شوف بنك الإنماء عندهم عروض على بطاقات الائتمان زور الفرع و اسألهم بالتفصيل يفيدونك

Answer 19

لي اربع سنوات اسافر اوروبا كل صيف و اأجر سيارة ببطاقة الانماء الفيزا مسبقة الدفع ومامرة اشتكيت منها

Answer 20

خذ من النايفات حق التمويل عندهم بطايق ائتمانية وكنسلها لا رجعت لأنها ما تسوى ونسبتهم سيئه