حجزت طيران وسكن ف سويسرا - ايطاليا - فرنسا باقي حجز السياره؟

الي استوقفني ماشالله انك حاجز ثلاث دول وطيران وسكن وراتبك مايكفي بطاقة ائتمانية كيف بس انا ما اعرف اي بنك الي رفض يعطيك لكن اقرب فرع لبنكك روح وقابل مدير الفرع وقله ابي بطاقة ائتمانية بأقل حد ممكن غالبا يتعاونون معك يكون حدها ٥ الاف او ٦ او ٧

انا استاجرت من شركة سكست من فرنسا واعطيتهم بطاقه السفر من السعودي للا ستثمار وقبلوها ومشت معاههم بطاقه مسبقه الدفع مو فيزا

خذ بطاقة مسبقة الدفع من البنك الي عليه راتبك ، وسقها عليهم ( طريقة مجربة )

لازم بطاقة ائتمانية لتضمن استلام السيارة بدون مشاكل اللي يقولون لك مسبقة الدفع تنفع: انا بجاوبك بحكم تجاربي وخبرتي عام ٢٠١٢ رحت لسويسرا ببطاقة مسبقة الدفع كان فيه سياح قبلي رفضها منهم بس انا قبلها يمكن لاننا عائله ومعنا اطفال تساهل معنا بس اخذ وديعة مرتفعه جداً أثرت بميزانيتي مره

كثير من الشركات صارت ما تطلب بطاقة ائتمانية ومنهم مثلا شركة Sixth و Herts و Thrifty.. بطاقة السحب العادية (Debitcard) تمشي بس تكون صادرة من بنك وتحت visa او Mastercard و الأسم يكون مطبوع بحروف بارزة.. تواصل مع الشركات وحط خيار الدفع ببطاقة السحب

اول شي رح بنك الراجحي وخذ اقل بطاقه ائتمانيه عندهم بيوافقون غالبا يمكن اسمها بلاتينيوم ، دور لين ماتلقى احد يوافق لك او طلع باسم اخد ثاني يثق فيك ويطلع لك بطاقه رديفه بس الدفع بيكون عليه وانت تسدد له ، وفي حالات استثنائيه بعض الشركات تقبل بطاقه مسبقة الدفع كسفر ويشترطون تامين شام

شكلك بتتورط بهالسفرة..الفنادق مالم يكون معك كريديت كارد بالغالب يرفضون حتى لو مسدد مسبق واذا وافقو يطالبوك بوضع مبلغ نقدي ضمان مسترد بسبب عدم وجود بطاقة ائتمانية ضامنه.وتأجير السيارات اصلا يرفضو تماماً.

مايحتاج سياره تري وسائل المواصلات عندهم أسهل وحلوه ترام باصات وغيره السياره عندهم مكلفه بانزبن والمواقف بفلوس غير كذا انت تعبي البانزين واي خراب انت من يصلحه والتأمين مشكله يعني شغله

كيف راتبك ما يغطي وانت ماشاء الله مطلع الشنغن وحاجز فنادق وامورك تمام طيب عندك الراجحي او stc pay عندهم بطاقة مدفوعة ممتازة وسهلة

افتح حساب اونلاين بعد اكتمال التسجيل يرسلون رقم الحساب وتستخرج بطاقة المسافر عن طريق الصراف لبنك الاستثمار ومجانيه الان

انا الاسبوع اللي فات كنت في سويسرا ودفعت الوديعه ( 500 ) فرنك ببطاقة سفر الاستثمار واستلمت السيارة

لي اربع سنوات اسافر اوروبا كل صيف و اأجر سيارة ببطاقة الانماء الفيزا مسبقة الدفع ومامرة اشتكيت منها

طلع فيزة الراجحي سفر بلس واذا مانفع طلع فيزة التسوق الي تشحنها بعض المرات تمشي وقد استخدمتها انا

خذ بطاقة سفر الراجحي . بطاقة ائتمانية انت تودع فيها فلوس وتطلبها من التطبيق وخلال اسبوع تستلمها

سويسرا انترلاكن وضواحيها وباريس ما يحتاج سياره. اذا تعرف تدير امورك بالمترو. ايطاليا ما زرتها

خذ من النايفات حق التمويل عندهم بطايق ائتمانية وكنسلها لا رجعت لأنها ما تسوى ونسبتهم سيئه

كيف كذا حاجز كل هالدول وماحد يعطيك فيزا اقلها السعودي للاستثمار مجاناً تطلع واونلاين

شوف بنك الإنماء عندهم عروض على بطاقات الائتمان زور الفرع و اسألهم بالتفصيل يفيدونك

اتوقع ان بطاقة المسافر ما يشوفون الراتب ، و تقدر تتنقل بين المدن بالسيارة