زواجي في شهر ٥ ميلادي القادم بإذن الله ، محتار بخصوص شهر العسل ميزانيتي بحدود ١٥ الف تقريباً ونبغى ننبسط ٣ اسابيع ( يهمنا الطبيعه حلوه الجو حلو والاكل يكون طيب ) جالس افكر في جورجيا او اذربيجان بس ماعندي فكره عن التكاليف لسى ،، احتاج نصايحكم
روح تركيا ولاتشاور مره
طبيعه واجواء وتسوق وأكل ( شيئ فاخر من الآخر ) شهر ٥ بارد .. لو كان شهر العسل بشهر ٦ او ٧ او ٨ ممتاز جداً من ناحية الطقس نصيحه أخيره خليها لمدة اسبوعين حتى ماتمل ولاتزيد عليك التكاليف بالتوفيق يارب ..
والله حرام عندك ١٥ وتروح لجورجيا ولاذربيجان رح لتركيا راح تكون برد بس مررا بتستمتع فيها واكلها طيب طبعا ماراح تكفي ٣ اسابيع قلل المدة ل١٢ يوم او بتزيد الميزانية حق ثلاث اسابيع
اندونيسيا مناسبة لميزانيتك وفيها طبيعة وفعاليات حلوة
الله يبارك لك نصيحة روح تركيا اسطنبول و انطاليا
خلها 12 يوم ورح النمسا او شمال ايطاليا ..
انا رحت اذربيجان شهر12هجري الي راح صراحه طبيعه مافيها ذيك الطبيعه انصحك بتركيا من شهر10الين شهر12هجري اذ تبغى طبيعه.اما بالنسبه لأذربيجان كوفيهات مطاعم تنفع شهر عسل استرخاء بس
٣ اسابيع و١٥ الف شاملة كل شي وشهر عسل والله اشوفه مستحيل اسبوع حلو لميزانيتك وخليك في تركيا
جورجيا وأذربيجان برُمتهم حدهم ٨ ايام وأنت تبي ثلاث اسابيع، .. عندك تايلاند أندونيسيا لكن حط فبالك ١٥ بدون تذاكر طيران
ثلاث اسابيع كثيره مره ، خلها اسبوعين وروح اسطنبول وصبنجه خيال تمشى باسطنبول فيها كل شي وبعدين صبنجه استرخاء وطبيعه
على الميزانية هذي روح تركيا ولا البوسنة ولا حتى شرق آسيا على اندونسيا ولا ماليزيا وقلل المدة إلى اسبوعين وراح تكفي الميزانية
اذربيجان جيتها صراحه انبسط فيها
٣ اسابيع واجد ع سفرة وخصوصاً شهر عسل افضل شي من ١١ الى ١٤ يوم واذا تبي نصيحتي رح باتومي ٨-٩ ايام زي الحلاوه فيها منتجعات واجواء بحريه ممتازه
رح تركيا ارخص من جورجيا واذربيجان
نصيحتي لك تركيا أفضل منها كلها
جورجيا طبيعه وجمال ورخص لكن الاكل مو مره حلو واذربيجان ما جربتها لكن يقولون متطوره أكثر وعموما لو اخترت جورجيا روح برجومي مدينة صغيره رايقه فيها فندق جميل وفخم وسعره حلو مستعدة ارجع جورجيا بس علشان بورجومي روقان وأكيد زور القوقاز حتى لو ما سكنت هناك
رح فيها تايلند أو مصر
ميزانيتك منخفضة على شهر عسل لكن ممكن تقدر تروح تركيا إذا استمرت الاسعار بالرخص الحالي وإذا حجزت الطيران بسعر رخيص. نصيحتي لازم تقلل عدد الايام كثيرة جدا لرحلة شهر عسل وبتكون متعبة بالتنسيق والتخطيط بالاضافة إلى الكلفة العالية.
رح قيرغيزستان
سيرلانكا لا تفوتك