Question

5000 تكفي مدة 8 ايام بتركيا شامله مع التذاكر

Answer 1

وكل على الله واسكن تقسيم او سيركجي او كاراكوي تلاقي فنادق نظيفة ب ١٢٠ ريال وافطر سميت وشاهي وتغد وتعش في مطاعم شعبية روعة ب ٢٠ ريال اذا غليت وخذ بطاقة ميترو واشحنها ب٤٠ وفلها وتقهو في حافظ مصطفى ومعظم الكافيهات اسعارها طيبة واركب من والى المطار في باص هافاش ولا عليك خلاف

Answer 2

التذكرة ح تكلفك تقريبا ٢٥٠٠ ريال او اكثر، لازم تقتصد في الفنادق والاكل و تاخذ المواصلات المحلية عشان تقدر تمشي بالباقي.

Answer 3

التذاكر لحالها واصله الان ٣٧٠٠ريال ترانزيت..المباشره متجاوزه ٤٥٠٠ريال..الميزانيه المحدده لاتكفي في شهر يوليو واغسطس

Answer 4

ما تكفيك وانت في بيتكم

Answer 5

لو بدون تذاكر ممكن اما مع التذاكر مع الاسف لا لانه الاسعار مره

Answer 6

المواصلات تقريبا 100 ريال باقي عليك حجز الطيران تقريبا 3500 ريال كذا باقي معاك 1100 الالف والمائة وانت راجع من تركيا عيش فيها باقي الشهر يارب اكون افدتك

Answer 7

ماتكفي ياغالي الان فيه ارتفاع بالأسعار خاصه الطيران اضافه إلى السكن بدون السكن والتذاكر ان شاء الله تكفيك

Answer 8

اذا بتروح بالسيارة تكفي

Answer 9

صادق انت حتى لو تقضيها اندومي ماتكفي

Answer 10

تكفي واجد  انا رحت ٥ايام ٤٨٠٠ شامل طيران وسكن وفطور

Answer 11

تركيا ارتفعت فيها الأسعار كثيرا.

لكي تتأكد من ذلك خذ جولة على بوكنج مثلا في أسعار الفنادق 5 نجوم

Answer 12

مدري.. كيف شلون.... وليه

  ٥٠٠٠  وتذاكر بعد   اجلس هنا ابرك لك واضرلها معصوب وتميس كل فجر

Answer 13

يعني خلنا نقول راحت 2500 تذاكر اقل شيء اذا لقيت هالسعر ، تبي 2500 ريال وبالوقت هذا تكفيك 8 ايام سكن ومعيشه مستحيل اكيد

Answer 14

ممكن ٥٠٠٠ريال بدون التذاكر

Answer 15

اجتهد وخلها ٩٠٠٠ وان شالله تسافر وانت مرتاح ..

Answer 16

بدون التذاكر تكفيك ٢٠٠٠

Answer 17

تركيا رخيصه لكن التذاكر غاليه تقريبا اقل تذكره حدود ٢٠٠٠ ريال لكن خيار ممتاز ومناسب وارخص من تركيا دوله البانيا نفس طابع تركيا والتذاكر على طيران ويز اقل من الف ريال البحرين إلى أبوظبي ثم تيرانا الأطباق هناك حوالي ١٠ ريالات والكوفي ب ٤ ريال والسكن ب ١٥٠ ريال

Answer 18

اذا بتنتظر لاخر اغسطس بتنزل التذاكر ل١٣٠٠ واقل وبيكفيك المبلغ بالراحه عموماً لا تحجز فنادق من بوكنق يحسبونها بالريال الافضل تحجز هناك تطلع ارخص عليك اما الاكل والمواصلات العامه مرررره رخيصه وترا عملتهم طايحه وغالي بالنسبه لهم لكن لنا رخيصه

Answer 19

بالنسبة لأسعار التذاكر الحاليه لا ما راح تكفيك انتظر لبعد الحج

Answer 20

وعليكم السلام .. يعتمد على - توقيت السفر - قيمة التذاكر - الغالب بهالقيمة السكن بيكون سياحي .. ابحث عن التذاكر .. بعدين تحكم هي تكفي أو لا ..

Answer 21

من غير التذاكر تحتاج 8000 ريال بمعدل 1000 يوميا على الأقل

Answer 22

التذكره لشخص مو اقل من ٢٥٠٠ يبقى لك ٢٥٠٠ اذا رايح مع عزابيه وبتشتركو بكل شي بيكفي

Answer 23

ياخي 5000 الحمدلله مبلغ ممتاز ولكن ليش تسافر وتبلش عمرك، سافر سياحه داخليه بين اهلك وربعك

Answer 24

الان اغلب الاسعار ارتفعت بسبب القبول علي السفر انتظر الين بعد الحج تكون الدراسه بداءت ارخص تقريبا النصف وان شاء الله تتوفق احجز الفنادق من بوكنق لمدة يومين وتعرف ميزانيتك بعدين على حسب صرفك ومشاويرك

Answer 25

على حسب اسعار التّذاكر ، لو حصّلت تذاكر فحدود 1500 الى 2000 ، تكفيك في اسطنبول فقط يعني تكون سفرتك شمّة هواء على الخفيف اقتصاديّة

Answer 26

انا في تركيا الحين الاسعار تدبلت اما ٥٠٠٠ مابتمشيك خاصه بعد العيد الا اذا انت لحالك

Answer 27

اول شئ بتروح لتركيا مدها اقل شئ 12 يوم قدك دافع تذاكر واقل شئ 15 الف تكفيك وروح ع شهر اغسطس تكون الاسعار صارت افضل

Answer 28

تكفيك في اسطنبول فقط وفي فنادق متواضعه في تقسيم .. يعني تقتصد على نفسك.. ف نصيحة اصبر شوي واجمع عليها كم قرش واطلع انبسط في اواخر شهر اغسطس الناس دوامات ولا فيه زحمه