السلام عليكم ورحمة الله وبركاته
اشكر هذا القروب الجميل المتعاون الذي افادني في رحلتي الاخيرة لتايلند
وردا للجميل احببت الافادة بكم معلومة
1/ الافضل اخذ دولار والصرف في المطار نعم في المطار في الدور الارضي واسمه سوبر ريتش افضل من نانا وابن داوود
2/ بولت لايعمل في كوساموي ابدا ابدا واسعار التنقل والتكاسي مرتفعه في كوساموي
3/ افضل تطبيق توصيل في شنغماي وكوسوموي وبوكيت والافضل في تايلند in drive وبعده بولت جراب غالي جدا جدا عكس اندونيسيا كان هو الافضل
4/اللي ناوي يروح لعرض الدلافين في بوكيت وهو معه عائلة انتبه لاتتوهق لازم يكون معك سواق لانه ماراح تحصل احد يرجعك وتضطر تمشي مالايقل عن كيلو اوكيلوين علشان تطلع لمنطقة فيها كثافه وتحصل احد ينقلك مثل ماصار معي ههههه وجربت جميع التطبيقات ولا احد يقبل
5/ سفرتي كانت في شهر فبراير وكان الجو جميل ولطيف لكن اسعار النقل كانت مرتفعه جدا في كوسوموي وبوكيت عكس شنغماي وبانكوك
6/ الاكل متوفر بكثره في بوكيت ومافيه مشكله الملاحظة هذي للناس المتخوفه
7/ الامان وما ادراك عن الامان استغربت الصراحه الامان مرتفع جدا جدا وهذا شي جميل
8/ الشعب لطيف جدا كاعادة شرق اسيا
9/ بوكيت كانت جميلة جدا جدا وفيها ميزة حلوه لم اشاهدها في ماليزيا او بالي وهي ان الشاطى مليان ومزحوم في الليل والنهار وهذا شي مميز في الليل يشغلون كشافات ويكون الجو اناره جميلة والعالم مستانسة واللي يبيع واللي يشتري جو رايق الصراحه
ويبيعون العاب ناريه وغيره
وكل ماعليك تشتري شي تشربه او فواكه ويعطونك كراسي واجلس وتفرج ووسع صدرك
10/ دنيا فانتازي جميلة جدا جدا وعرض ساحر الصراحه يستاهل الزياره
11/ عرض الدلافين زرته في اندونيسيا وماليزيا لكن في تايلند غير افضل بكثير ويستحق الزياره
باختصار الدوله جميلة جدا ومريحة
وبوكيت عالم ثاني وخصوصا اذا سكنت في الباتونج حياه ثانيه 24 ساعة وكل شي حولك طبعا هالكلام قد يناسب الشباب والازواج
لكن اللي عندهم اطفال مدري الصراحه ممكن يشوفون بعض المناظر ماتناسب الاطفال والمراهقين وكل رب اسره اعرف باللي يصلح له الصراحه
بس اتوقع اللي يسكن بعيد عن الباتونق يفوت المتعه المضاعفة
12/ الاسعار ارفع من اندونيسا بكثير وانا اقارن باندونيسيا كثير لاني من رواد اندونيسيا اكثر من 6 سفرات لكن الحقيقه شكل تايلند راح تخليني عاشق لبوكيت وكوسوموي الجميلة
قد تكون الاسعار بسبب السيزون ما ادري الصراحه
13/ بالنسبة للنقاب والعباية مافيه مشكله ابدا واهلي يتمشون في الباتونق وقريب من البانغلا والوضع عادي طبعا ماندخل البنغلا احتراما لانفسنا وللدينا لاننا نمثل الاسلام هناك بالعباية طبعا لذلك لازم تكون خير سفير لوطنك وبلدك