الوقت ٧ نوفمبر - ١٣ نوفمبرالرحله ٣ بالغين ٣ اطفالمصروف (٣٧٧٧) تقريباًالتنقلات نيسان باترول من شركة تأجير برا المطار (٢٦٢٥ ريال)✈️ طيران الامارات ( ٦٩١٥ ريال)الفندق فلورا البرشا غرفتين وصالة (٥٠٦٤ ريال)⭐#اليوم الاول*اكسبو بدينا فيها من اول يوم عشان مانسوي مسحة لكورونا ثانية لانه مطلوب لكن محد سأل عنه ، التذاكر كانت مجانية لاي شخص يسافر على طيران الامارات او الاتحاد زرنا فيها جناح السعودية والامارات وكم جناح صغير ما اذكر وش هي بالضبط*منطقة السيتي والك⭐#اليوم الثاني *ملاهي الموشنجيت في دبي باركس اند ريزورت التذاكر اخذتها من الموقع للشخص (٢٢٤ ريال) العاب منوعه*منطقة شاطئ لامير⭐#اليوم الثالث *سوق البهارات والعطور جنب سوق نايف*القرية العالمية والتذاكر اخذتها من البوابة (٢٠ درهم) وعربية تسوق ايجار (١٠ درهم للساعه) ولا يفوتكم كباب البيت البوسني لذيذ بشكل ما تتصور اشمغة وغتر صوف من الجناح الباكستاني (٥٠ درهم للحبة) وتقدر تكاسر اكثر اذا بتاخذ كمية وغندوره من الجناح الاماراتي والاسعار مقبوله بس لازم تكاسر*منطقة نخلة الجميرا وذا بوينت⭐#اليوم الرابع..*السوق الصيني*دبي مول ونافورة برج خليفة⭐️#اليوم الخامس*مول الامارات*اوتليت دبي*منطقة المارينا و الجميرا والبلوواترز مع ركوب عين دبي والتذاكر عن طريق الموقع للشخص (١٢٠ ريال)تكاليف الرحلة كاملة (٢١٦٨٩ ريال) تقريباًمشمول في التكاليف تأمين التعاونية ٣ اطفال (٨٨٥ ريال) بالاضافة الى مبلغ فحص كورونا(pcr) ٣ بالغين (٢٧٣ ريال)بخصوص شركة تأجير السيارات الى حد اليوم يوم رجعتي للسعودية راضي عن اسعارهم وتعاملهم واسعارهم لانها ارخص من المكاتب المشهورة في المطار بسبب ارتفاع الاسعار عشان اكسبو وللامانة بنتظر ١٤ يوم حد ما يرجعون مبلغ التأمين واعطيهم تقييم واللي يبيهم يراسلني خاص
تجربتي خمس ايام في دبي : ابي اشاركها معكم للفائدة تحياتي لكم :الطيران :مدة رحلة دبي على طيران ناس ساعة واربعين دقيقة من مطار الرياض والعودة من الصالة رقم واحد من دبي طيران ناس ساعة ونص للرياض واستفدنا من صالة اهلن في مطار دبي روعة فوق الخيال كصالة سفر .الفنادق :حجز الفندق يفضل تروح وتحجز بنفسك عند وصولك وتشوف بنفسك ايهم ارخص الفندق ولا بوكينق واحجز بالارخص لك ويفضل ايضاً عدم اضافة الافطار مع الغرفة بل الدفع عند الفندق لان الافطار للشخص تقريباً 110 درهم ولما تحجز فطور مع الغرفة يكلفك اكثر من الف درهم .كذلك محاولة السكن في الفنادق القريبة من (الجي بي ار )مثل فندق اراماداعبارة عن شقق غرفة وصالة ومطبخ وتصلح للي يبي يطبخ وكذا او فندق دبل تري او هليتون او ريكسوس او اوشن فيو او فندق السوفيتيل او فندق روتانا امواج او فندق الشيراتون كلها تقع علي (الجي بي ار ) والشاطي جميل وكل شي علي رجليك المطاعم والتمشيات .الشرائح :اخذنا شريحة (الاتصالات )وكانت جميلة وقيمتها 280 درهم من المطار مكالمات ونت كفتنا وزيادة .المطاعم :جربت مطعم اواني علي الشاطئ في (الجي بي ار )مقلوبة وكان مطعم حلو وجربت مطعم البيت الشامي بجوار فندق ارمادا مقابل فندق الشيراتون كان عندهم رز ابيض وفروج مسحب مشوي اكثر من رائع اسعارة لا بأس بها وكل (الجي بي ار )مطاعم وكوفيهات بامكانك اختيار ما تشاء منها وهناك مطعم في فندق الريكسوس فيه رقاصة وروعة الفندق تتمشى فيه وجميل للالتقاط الصور .التمشيات :رحنا دبي مول وتمشينا فيه حاولنا نركب في برج خليفة لكن كان السعر غالي 530 درهم للصعود البرج كامل واذا ترغب بصعود برج خليفة الى الوسط تدفع نصف قيمة التذكرة وتم رفض الفكرة .كذلك زرنا السوق الصيني الجديد والقديم وكانت تمشية جميلة فيه .باقي تمشياتنا على شاطي (الجي بي ار ) وركبنا فلاي كوب على الشاطي الشخص مع مشروب وفيشار 80 درهم ويصورك الصورة من 25 درهم الحجم الصغير والكبيره 35 درهم .الفنادق :تعطيك المناشف والمظلة اذا اردت الذهاب للشاطي للسباحة .كان ودنا نروح كل يوم مكان مثل اوتلت وفريم دبي خصوصًا في وقت الغروب وهناك قريب من (الجي بي ار )مكان عين دبي روعة لكن ماجيناها لكن المره القادمة ساقوم بزيارته لكن اسعار التكاسي غالية عشان كذا ممكن اقل مشوار 50 درهم وحاولنا نتجنب التحرك بكثرة بالتكاسي .التكاسي :تاكسي دبي ارخص من كريم ومن تكاسي الفنادق ويشغل العداد حتى وصولك مشوار المطار الى الفندق تكلفته 135 درهم غالباً .توقعاتي للمصروف اليومي 500 الى 1000 درهم من خلال التجربة وجبة واحدة عشاء والفطور في الفندق مع التكاسي والتمشيات والمقاهي منها واحد جميل جدا شيشة وشاي وقهوة اسمه سموكي بيتش في (الجي بي ار )اكثر من رائع .غالبًا زائري دبي خلال الويكند فوجهة نظري لهم السكن في احد فنادق( الجي بي ار )والاستمتاع ومن ثم العودة للمطار تمنياتي للجميع برحلة سعيدة.لاحظت خلال الويكند تواجد ربعنا السعوديون بكثرة في (الجي بي ار ).سحب الفلوس :سحبت فلوس من بطاقتي اليو بي واخذو علي 26 درهم عمولة سحب واخذو اليور بي عمولة قدرها 28:75 ريال لكن انا اخذت كاش معي وصرفته من المطار عند نزولي وكنت احاسب كل شي كاش وقليل استخدمت بطاقة يور بي واللي ما يبي ياخذ كاش البطاقات تغني عن ذلك .
عطلات
حجز فنادق تبليسي
حجز فنادق