ابي مرشد سياحي ليومين فالنمسا زيلامسي؟

لا تاخذ مرشد ، انا رايح انا و زوجتي والله اثنينا صفر انقلش لكن الله يخلي بوكينق وقوقل ماب والمواقع الكثيره ، وبالمطعم لا تطلب لحم ابد عن شكه ، و اذا اشغلك واحد كنت اجهز لهم ( نو سبيك انقلش ) ثم اسحب عليه لا توقف الا لين تشوف الدوريه بكيذا اعرف انك جبت العيد اطلب السفاره دايركت

مايحتاج مرشد ولا حتى خريطة، قوقل ماب واذا مرة مصر اذكر بمحل هرتز لتأجير السيارات-بتلاقي المحل قبل البحيرة- في واحد بوسني اسمه احمد كان يسأل اذا احد يحتاج مرشد سياحي لكن هذا الكلام عام ٢٠١٩م. وبخصوص اللغة بالنمسا كثير مايعرفون انجليزي ترجم للغة الألمانية.

روحي عند محطة القطار مقابل البوابه فيه مطعم تركي يتكلمون عربي اطلبي منهم يعطونك رقم سواق مصري او يمني

وفيه خلف مركز الشرطه بقاله فيها اتراك اطلبي منهم رقم سواق يتكلم عربي ولكن لاتشترين منهم شي اسعارهم عشرة اضعاف سعر السوبر ماركت اللي قدام الشرطه

ضروري الخطه تكون جاهزه من هنا من الذهاب الى العوده. من اختيار المدن و التوقيت و وعدد الايام لكل منطقه و الاماكن السياحية. والسكن المتوقع والمطاعم المتوقعه. و معرفة ارقام وموقع السفاره السعوديه لجميع المسافرين. * لاتنسى (الانترنت وشريحة الانصال ضروري).

ثانيا قمة جروسر كلوكنر تطلعون بالسياره للثلوج والقمه هواء بارد مع مطر ثالثا الجبال المحيطه بالبحيره زلامسي وبالليل روحوا للمطاعم والجلسات تحت حول البحيره وفندق جراند رابعا الخوانق المائيه بالنهار خامسا ويخصص له يوم شلال كريمل ويسكر ٥ العصر

لا تعتمدوا على مرشد او مترجم استخدموا التكنولوجيا وسائل التقنية الحديثة اعتمدوا على انفسكم ابحثوا عن المعلومة حضروها من قبل السفر جهزوا خطة السفر ثقفوا انفسكم الأتكالية عجز وضياع الأموال من الترفيه المطلوب والمأمول من السفر

ياعمري والله مايحتاج حتى اللغه مو لازم حملي قوقل ترانزليت وهو يساعدك وبعد شوفي الاماكن السياحيه وسوي جدول واي مكان تبينه اكتبيه فقوقل ماب ويوديك من دون مرشد ولا اي شي بس اقري كثيييييير

كثير راحوا ماعندهم لغه واول مره يسافرون وامورهم تمام بعدين عند مترجم قوقل اي صعوبه ترجمي من العربي الى الالماني وبالنسبة للاماكن مايحتاج مرشد قوقل افضل مرشد ومجاني

مايحتاج مرشد ولا لغة الحمدلله التكنلوجيا ربي سخرها لنا حتى لو لغتك صفر اي شي تبينه اكتبيه بالترجمة بقوقل من عربي لألماني وخليهم يقرأونه او يسمعونه والمكان اللي تبونه اكتبوه بالعربي بقوقل ماب والحمدلله سهالات

اغلب اللي راحو كان فيهم رهبه السفر بس الأمور طيبه وسهالات،ترجمه قوقل سهله وتسهل عليكم الأمور بس لاتكتبون بالعاميه اكتبو باللغه العربيه الفصحى التاكسي غالي عليكم اخذو لكم سياره افضل تتمشون على راحتكم وبكيفكم

ابدا ماننصحك بالمرشد السياحي ياخذ عنك مش اقل من 200 يورو لليوم الواحد واخر شي ماتروح الا اماكن محدوده ، هالمبلغ الافضل تستفيد منه في سفرتك . البدائل افضل واسهل

انا الان متىاجد فالنمسا .. مايحتاج ابدا مرشد وحرام تاخذ مرشد لانه ابدا مايحتاح وبياخذ عليك فلوس زياده .. وتقدر تروح لاي مشوار تبيه واي فعالية

انا لغتي ضعيفه و ما احتجت اي مرشد اعتمدت على قوقل ماب و كل شي تمام الزحليقه اكتب بقوقل ماب بتطلع لك ع طول او ماتدخل كابرون تكون على يمينك

مايحتاج بس شوفوا فندق يقدم بطاقة زيلامسي وبالبطاقة بتوفرون كثير من فعاليات مجانية مثل قمة كابرون وغيرها ويعطيك باقي الفعاليات بخصم

ماتحتاج مترجم ادخل تطبيق ترافيل ديف ونزل الخرايط السياحيه واستمتع .. وعلى فكره الجلوس بقرب النهر وتحت الغيم بحد ذاته سياحه

قوقل ماب يوجهك لأي مكان وفيه تقييم للزوار. وأغلب فنادق وشقق زيلامسي وكابرون توفر البطاقة الصيفية الخاصة بالأماكن السياحية

قوقل ماب المرشد يكلف يوميته حول ٥٠٠ يورو تريد تنقص افتحي قوقل ماب واكتب كابرون تظهر تحت كل النشاطات المطاعم المترو كل شيء

فيه تكاسي موجودة قدام اوتيل قراند زيل ياخذونكم لكل الاماكن السياحية ( إذا لغتك مو مره ترجمي من قوقل وراح يفهمون عليك )

اهم نقطه حفظ موقع السكن في الواتس ويب وبعدين انطلق ميزة النمسا الخطوط واضحه وقوقل ماب بالصوت حددي المكان وهو ينطلق

ركزوا على الاماكن اللي تزورونها قمة كابرون اللي فيها الثلج وانتبهوا فيه قمه ثانيه لايوجد فيها ثلج بس مرتفعات

بدون معك قوقل ماب اكتبي اللي تبين وتروحين له واذا وصلتي اللي تبين عندك المترجم الامور سهالات من واقع تجربه

ماتحتاج اي خبير او مرشد قوقل ماب يفيدك بكل شي وانا من رواد النمسا واعرف كل شي فيها وأي استفسار انا حاضر

حمل تطبيق show around .

ما يحتاج مرشد ، استعينوا بقوقل ماب وترجمة قوقل لان هذي من فوائد السفر عشان سفراتكم الجاية

مايحتاح مرشد مع وجود التلفونات الذكيه، راس مالها خط نت واسال التلفون وهو يعطيك كل الاماكن وبالتفاصيل وبتجارب الناس للمكان وبالصور والفيديوات ويدليك المكان لين توصل ويعطيك ادق التفاصيل وبلاش بدون اي مقابل

الواحد اذا اول مره بيسافر يجيه نوع من الخوف. يسال نفسه وش اسوي و وين اروح وانا ما اعرف الاماكن. لكن والله بعد ما توصل و آول يوم يمر عليك. هذا الخوف كله يروح و تبدا ترتب جدولك و تبدا تحس ان الموضوع بسيط.

مايحتاج مرشد انا سافرت ولا اعرف انجليزي ع قوقل ماب وزيلامسي وكابرون جنب بعض مايحتاج مرشد

اكتبي ترافيل ديف زتلقين الاماكن هناك بموقعها من قوقل انسخي وروحي

الوضع اسهل مما تتوقعين ...خرائط شغال وافضل من اللي عندنا ...

ما يحتاج نهائيا الامور سهالات ..عندكم سيارة ؟!!

ماسهل من موقع قمة كابرون عشر دقائق من كابرون

اكتبي كل الاماكن ف قوقل ماب مكتوبه بالعربي

لا يعذر أحد بالجهل السياحي مع قوقل ماب

مايحتاج مرشد سياحي ولا مترجم

ما يحتاج مرشد و حتى لغه

كلها موجوده بقوقل ماب

مايحتاج مرشد زيلامسي معروفه فقط ادخلي ع قوقل ماب واختار الاماكن السياحيه وراح يرشدك لها وفي كل موقع مذكور قيمة الدخول واوقات العمل

أسهل طريقه جهز خطتك لليوم التالي وقوقل ماب يخدمك ماتحتاج لمرشد سياحي ولا شيء واللغه لن تكون عائق

ابحث عنها في قوقل وخل السواق يشوفها ويوصلك