السلام عليكم. انا بسافر في نوفمبر بأذن الله ومحتارة بين تركيا تايلند اذربيجان،ايش تقترحون عليّ ابغى دولة تجمع بين الاسترخاء وفيه اكواخ وفعاليات وبدون فيزا ميزانيتي ٣٠ ألف مع التذاكر لمدة ١٠ الى ١٤ يوم
اذا عادي عندك الاجواء الباردة طبعاً تركيا ( اسطنبول ، صبنجا ، بورصه ) ، اذا مالك باجواء البرد روح تايلند ( بانكوك ، بوكيت ، شيانغ ماي ) . على هالميزانية انتم كم شخص ؟؟؟ تأشيرة تركيا من المطار او بدقيقتين تطلعينها من النت .
تركيا تحتاجين فيزا ولكنها بالمطار + بارده جداً جداً بهالشهر و حتى اذربيجان بتكون جداً بارده واعتقد ثلوج ، الخيار الافضل تايلند رغم اني مازرتها ولكن من الي اشوفه انها مناسبه
مادامت الوجهات اغلبها جميلة فاللي اشوفه من وجهة نظري الشخصية انك ترتبت عروض على الثلاث وجهات وتبدأ تقارن بينها من ناحية: السعر، الجودة، الأجواء وبعدها تشاور الأهل وتستخير وتختار تقدر تشوف من النت وتقارن
كل الدول حلوه في نوفمبر تركيا و اذربيجان اذا تبي الاكواخ ماتصلح في نوفمبر لان كل الارياف وقتها راح تكون مغطيه بالثلج
لكن بهذي الميزانيه طلع فيزه واستمتع بالمانيا وسويسرا ميزانيتك كويسه او ايطاليا وسويسرا وشاموني وانسي اسبوع والفيزه تطلع لك باذن اللهً
تركيا . دولة معيشته رخيصة وفخامة
من وجهه نظري روح لتايلاند راح يكون الاجواء فيها جداً جميله واكتف ببوكيت ووتقدر تروح للجزر اللي حوله كرابي تجلس كم يوم وترجع لبوكيت جداً جميله وتجلس بالعاصمه كم يوم
اذربيجان كلها عرب مهاجره واكثرهم عراقيين من اسواء الدول هي وجورجيا البوسنه جميله مع انها خارج القائمه عندك ورخيصه وشعب مسالم وخلوق للامانه عن تجربه
اذربيجان تحديداً باكو وشاهداغ وشيكي وشاماخي فيها فندق جميل وفخم للاسترخاء وفيه كل الاحتياجات للعائله مرررره حلوووه طبيعه وتطور واكل لذيذ
عطلات
حجز فنادق تبليسي
حجز فنادق