للي رايحين الامارات سيارة:
تحتاج رخصة وجواز وPCR واثبات تلقي الجرعات والجواز الصحي (مو لازم مطبوعه)
اول شي يشيكون على الجواز بعدين المحطة اللي بعدها يشيكون على PCR والجواز الصحي بعدين محطة تأمين السيارة ضد الغير لمدة ١٥ يوم تدفع ٢١٠ ريال او درهم بكيفك كلها مقبوله وفيه بطاقة سواء مدى أو فيزا. وبعدين خلاص دايركت إلى دبي.. مافيه في الطريق ولا محطة وقوف ابداً ولا فيه PCR ثاني تسويه. اما اذا تبي تدخل ابو ظبي اتوقع فيه اجراءات ثانية
اذا ودك تروح اكسبو .. احسن طريقة تآخذ شريحة من الاتصالات قيمتها ٢٠٠ درهم اسمها باقة الزوار فيها ٥٠٠ دقيقة اتصال محلي ودولي حتى للسعودية + ٢٢ قيقا + يجي معها كود يعطيك تذكرة لمدة شهر دخول متعدد الى اكسبو لو تبي كل يوم (قيمة التذكرة لو بتشتريها ١٩٥ ريال)
في الرجعة ما تحتاج PCR امسك الخط والى السعودية دايركت..