هل فيه خطورة اسافر وحدي لاسطنبول وكيف اجواء ديسمبر؟

إذا لحالك ماعليك لو يصير اي شي لاسمح الله انت بتدبر نفسك لكن المشكله في العوائل اتمنى لك التوفيق وسفره سعيدة مع اني لا اطيق تركيا أو أي دولة تعادي دولتنا مهما كان الثمن لايمكن اصرف فيها هلله

فيه نصيحة مهمة،اي شخص تركي او حتى بنت تركية تحديدًا يطلبو منك سجارة او ولاعة او اي طلب ثاني نصيحة لوجه الله لا توقف لهم على طول زيد سرعة مشيك وكمل طريقك واذا حاولو يسلمو عليك او يحضنوك انتبه ترا نيتهم جوالك او محفظتك،كلامي اقوله عن تجربة شخصية وافضلك تخلي جوالك والكاش في الفندق

انا فيها الان _الامن موجود ومافيه اي شي يخوف ان شاءالله .. _البرد ايوالله برد بالحيل .. _ بلد جميل بصراحة وانا مستمتع فيه بالحيل والماخذ الوحيد هو التفاهم معهم فيه شوية صعوبه الغالبيه لايتكلمون لا عربي ولا انقليزي اضف الى ذلك تعاملهم جاف لذلك انا قدر المستطاع اتجنبهم

لا خطوره ولاهم يحزنون البلد امان وجميل ومليان سواح من كل العالم .. واغلب من يحذر اصلاً ماراح ولاشاف شي .. اقراء زين وخذ معلومات كامله عن كل شي وتوكل على الله .. الانسان العاقل يعرف حدوده ويعرف كيف يتصرف ويقراء اذكاره والامور طيبه.. سواءً بتركيا او غيرها ..

والله امان ولا فيها خطورة اهم شي فندق خمس نجوم دام لوحدك واعمل لك جدول تمشي عليه ولا ترد على الغرباء وكثير مثلك لوحدهم في اسطنبول والتاكسي على العداد او تتفق قبل ماتركب و ارشح لك فندق في شيشلي wish more والاجواء بارده وسفره سعيده

الدنيا ملياانه سيّاح وعالم وناس انا بنت وعايشه لوحدي والحمدلله الحياه حلووه واماان بس بعد ٨ الليل اكون خلاص في البيت لكن تقدر تطلع من بدري في النهار . فقط انتبه على اشياءك الثمينه ورحله سعيده ان شاءالله والجو بررد خذو ملابس تدفي

ما فيها اي خطورة الا الاماكن المشبوه وتبتعد على الاشخاص اللى يطلبوا فى مساعدات او انه عندهم عروض محلات فى الشوارع وخاصه الازقه شهر ديسمبر نهايته مرات يصب ثلج ولكن باغلب الاوقات ممطر ولكن هذا لايمنع السياحه

الخطوره بالشوارع الضيقه بتقسيم وبكل مكان ، لاتمشي الا مع الناس واذا جاك احد يناديك لمحله ويقولك بس تعال خل مديري يشوفك قله توكل لانه بيسرقون الي معك ، والجو بديسمبر بارد جدا بس جميل

عليك السلام ما في اي خطوره تجنب طلبات بعض الأشخاص خاصه بتقسيم تجنب بقدر الإمكان الخروج بالليل ما بعد ساعه 12 لان البعض خارج التغطيه. لاكن الكل مشغول بنفسه. خاصه بتقسيم.

ما تسافر اي مكان لوحدك إلا أن كان لديك معارف أو اصدقاء في الوجهة يعني سبحان الله ما ترتاح لوحدك وانت في غريب هذه نصيحتي لك

باذن الله مافي اي خطوره سافر وانبسط ديسمبر خذ معك ملابس ثقيله واذا تحتاج اي استفسار او خدمه تواصل معي

سافر لحالك والله روقان وتنبسط احسن من تروح مع احد عن تجربة شي حلو

البلد فيها أمان، ويفضل السكن يكون في منطقة شيشلي او ليفنت

هنا تجد كل المعلومات عن السفر إلى تركيا nn