سلام عليكم بالنسبه حق تركيا ٩ ايام في يونيو حق زوجين شرايكم احسن يكون خط السير فيابورت اسطنبول اسيا ليلتين- بورصه ليلتين - اسطنبول اوروبا ٤ ليالي ولا بورصه ليلتين - صبنجا ليلتين - اسطنبول اوروبا ليلتين ؟ علما ان الطياره تهبط بمطار اسطنبول اتاتورك وشكرا
خذ سيارة من
@GarentaTRواطلع صبنجة واسكن فيها ليلتين واطلع بعدها لابانت تابعه لمدينة بولو تبعد عن صبنجة ١٦٠ كيلو واسكن في فندق على بحيرة ابانت واحجز من عندهم واطلع الى بحيرة غولجك المتزل الفاتن بعد عن ابانت ٥٠ د وبعدها ارجع لاسطنبول وتبعد ٢٦٠ ك الطريق جميل جدا
مايصلح ابد لاتوقع اسيا و اوروبا يختلفن عن بعض ولا المسافه بعيده الفاصل هو جسر ( الافضل خذ ليله الوصول بفندق قريب من المطار للراحه وشف افرب رحله للشمال التركي خذ فيها 4 ايام السكن اول ليلتين اوزنجول وزيارة ماحولها وبعده ليلتين طرابزون وزيارة ماحولها وبعده اسطنبول منطقة سيركجي
مثلا يوم رحله واليوم التالي جدول اختياري بمسار واحد لاتشتت نفسك وتضيع وقتك شرق وغرب سفرك للمتعه قصر دولمه بهجه ثم ارتاكوي والغداء باطلاله مباشره على البسفور ر ثم حديقة اميرجان ثم مول استينيا اوتليت او الرحلات البحريه الليالي الشاميه او التركيه تبدء من ٥وحتى١١ د الامثله كثيره
صبنجا يكفيها يوم واحد… وليش تسكن في الجانب الاسيوي؟ اسطنبول القسم الاوربي احسن بكثير..الاوربي اجمل من الاسيوي اغلب الاماكن السياحية والتاريخية والتسوق والمطاعم وكل شي في الاوروبي الاسيوي بس روحه زيارة قصيرة بدون مبيت
متعب لك .. 9 ايام قليلة . احجز ليلة او ليلتين في صبنجا( كوخ) وبعدها يومين في اسكيشهير ( ع القطار السريع 3 ساعات ) والاماكن كلها جنب بعض مدينة حلوة وبعدها ارجع اسطنبول الاوروبية .
اطلع رحله من مطار اتاتورك الى طرابزون واستأجر سياره و اجلس في طرابزون ليلتين في منتجع بحيره سيراجول وبعدها ليله في ايدر وليلتين في اوزنغول وارجع ع اسطنبول 4 ليالي للتسوق
نصيحه شخصيه من شخص ذهب لتركيا. انصحك لاتروح سبق ورحت انا وتعرضت لمضايقات ومحاولة سرقه وجاني كلام عنصري منهم وتعاملهم معي ومع عائلتي كان سيء جدا
انصح بقلب اسطنبول السلطان او سيركجي .
بورصه
صبنجه ومعشوقيه
اغفا وشيلا
القريه البولنديه
جزيرة الاميرات
تسطتيع الذهاب اليها رحلات منذ الصباح والعوده مساء
من الصعب جدا كل يوم رحله ارهاق جسدي
اكبر غلط انك تروح تركيا بدون ماتزور شمالها الطبيعة كلها هناك وفي شهر يونيو اسطنبول و بورصة حررر لازم تروح الشمال عشان الجو و الطبيعة
٤ ايام اسطنبول القسم الاوربي - ليلتين بورصه مع زياره يلوى ( مياه الكبريت ) + سبنجا ثم العوده الى اسطنبول القسم الاوربي / الاسيوي مافيه شي يوم يكفي .
اتاتورك يسلم عليك مقفل ..
قصدك مطار اسطنبول
جدول مرهق جدا .. لايوجد فرق بين سكنك في الجزء الاوربي او الاسيوي
تستطيع الوصول لجميع الاماكن من نقطة سكن واحده الى جميع ارجاء اسطنبول
الاسيوي تقدر تروح تلة العرائس ، شارع بغداد برج فتاة وغيرها وترجع بنفس ليوم يكفي
نصيحتي لك احجز على طرابزون ومنها الى قراها اما مطار اتاتورك اتوقع انه مغلق من كم سنه