هل 5 الف تكفي بدبي ل5 بنات لمدة ٧ ايام من غير تذاكر وسكن ؟
انا ميزانتي 5000 وبسافر دبي هل بتكفيني احنا 5 بنات لمدة ٧ ايام من غير تذاكر وسكن ؟ويلزمني فحص كورونا؟؟ وكيف افعل نت ؟؟
الإجابات (23)
5000﷼ بتكفي و تزيد بعد
موضوع النت كل مكان بدبي فيه نت فنادق مولات الخ..
موضوع الفحص لا مايلزمك صار السفر مفتوح للجميع بالتوفيق
ما تكفي الاسعار صارت غالية بعد ارتفاع سعر البترول / بخصوص الفحص اذا مطعم ما يحتاج فحص pcr / النت فيه شربحه من المطار حق كل زائر فيها 1 جيجا والمولات في دبي كلهم فيها واي فاي مجانا وبالسلامة يارب
تكفي وتزود ،، توكلو على الله اذا السكن والمواصلات والمطاعم محجوزة ومدفوعة مسبقا ، او احلا جلسه البيت واكلو برتقال
تكفي على اعتبار تروحوا مطاعم سعرها متوسط او تعتمدوا على انفسكم في الطبخ .. المواصلات اذا بتعتمدوا على التاكسي او اوبر وكريم راح تدفعوا مبالغ كبيرة .. استئجار سيارة اصرف بكثير او استخدموا المترو .. ولايلزمك فحص كورونا اذا اخذتوا ثلاث جرعات من لقاح كورونا ... وفقكم الله .
انصحكم بالتالي : استاجرو سياره فيه مكانب تجيكم للمطار كويسين ايضاً النت من المطار بيعطيكم موظف الجوازات شريحه واذا وصلتو الفندق والمولات فيها كلها نت ..(٥٠٠٠) بتكفيك وزياده كمان وخلي الباقي اخر يوم روحي تسوقي في الاوت لت ..
في اي مكان ف العالم تسافر له اذا ميزانيه 5000 لمدة 7 ايام ما تكفي مطاعم دبي مول والستي ووك ولامير تقريبا 5 اشخاص من 500 الى 700 مطاعم DIFC اذا 5 اشخاص اكثر من 1500 وطبعا فيه مطاعم اقتصاديه اذا ضاربين لقاح ما تحتاجون فحص
انا مستغربة من الي يقولون تكفي يا أنا فاهمة السؤال خطأ أو هم إذا الخمس الاف هذي ميزانيتك لحالك اوكي يكفي ان شالله سفرة اقتصادية لكن اذا هالمبلغ لكم انتم كلكم يالخمسة لا والله مستحيل يكفي أبدا
انتم تحددون الصرف حطو كل يوم مبلغ معين تصروفونه فيه مطاعم غاليه و فيه رخيصه وكذالك المقاهي ابعدو عن التكاسي ،مايلزم فحص كرونا و النت يعطونكم موظف الجوزات او اشتري من السوق الحره
لا م تكفي من شهر طلعت مع صديقتي ٣ ايام وتكلفنا ٤٠٠٠ مع انا حاسبين الميزانيه اكثر حاجه خلصت فلوسنا السواقين التكاسي غااالييت كريم عنده خصم في دبي استغلو خصومات التطبيقات
امس انا راد مايطلبوه منكم فحص والنت بدبي متوفر بكل مكان بالفندق بالمولات بكل مكان وال٥٠٠٠ تقدر تصرفها بيوم وتقدر تمشيك لنهايه السفره لان بعض المطاعم غاليه جدا
اكثر صرفية في دبي المواصلات لو مجموعة و قدرتو تحلوها حتوفرو الكثير و النت بجوازك تطلعي من المطار شريحة اتصالات او اي شركة و عندهم نت و اسعارهم متوسطة.
تكفى بالراحة ولاكن اعرفو من الان وين بتروحون فيه موقع اسمه كوبون بتحصلون فيه عروض العاب ومطاعم وعليها تخفيض قبل اختيار العرض اعرفي مستوى مقدم الخدمة
اذا مابتتسوقون وتروحون مطاعم عاديه او تمشون نفسكم بأي شي ممكن تكفي، ولو اني اشوف دبي حلاتها بالمطاعم والتسوق
وعليكم السلام تكفي بإذن الله وخصوصاً اذا استأجرتوا سيارة بس حاولوا المطاعم ما تكون متوسطة ورحلة ممتعة
تكفيكم بالراحة بدون سكن وتذاكر واذا تسوقون استاجرو من تطبيق aKar افضل من محلات الاجار
اذا من غير السكن بتكفي بس باعتدال . النت افضل لكم التجوال
تبارك الله خمسً بنات يخلصونهم بمول واحد من اول يوم
دبي غالية الا اذا حاطين وضعية توفير الطاقة بتكفي
طبعا ما تكفي اختي - 7 أيام 5000 و 5 بنات
عندكم مواصلات - والاكل غالي - الا اذا تشربون كرك ☕ كل يوم وبراتا - ع العموم - راح تفوتكم بجذي اماكن حلوه لانها غالية.
انا لحالي ماتكفي ....مستحيل
خمس بنات وخمسة آلاف اتوقع تكفي يوم او يومين اذا الاكل شابورة وحليب
النت فيه شريحة اطلبيها عند كاونتر الجوازات
يعطونك ١ جيجا مجانا
ماتكفيك بمدينتك ادا بتتمشي فكيف وانتي مسافره.!
استخدم كود الخصم travelersqa عند الحجز