السلام عليكم
عندي اجازه ١٥ اكتوبر وحاب احجز على النمسا هل تنصحوني من ناحيه الاجواء وكم التكلفه تقريبا حنا شخصين انا والمدام.. الله يوفقكم اللي قد سافر ب اكتوبر يعلمني كيف الجو بيكون هل هو ممطر عع طول او لا ؟
يمكنك الاستفادة
التكلفة على حسب الايام وحسب الفعاليات تختلف من شخص الى اخر بس اهم شيء ادخل واحجز الفنادق من بدري اما بالنسبة للاجواء تكون باردة نوعاما وبداية نزول الثلوج على القمم وشكل الشتاء السنه ذي دخل عندهم بدري لان درجه الحراره في فيينا الان 11 وسالزبورغ 9 احسب حسابك باللبس
بداية البرد والطبيعه اقل لانه خريف اذا التكلفه متوسطه و 10 ايام السياره شامل التامين 3500 درهم/ريال الفنادق كل ليله ب 500 يعني 5000 درهم /ريال يوميا الصرف من 200 الى 250 يورو للشخصين شامل البنزين والفعاليات
التكلفه تقريباً حدود 2000-2500 ريال يومياً (تزيد وتنقص حسب نوعية السكن) لشخصين سكن ومواصلات مع السائق الاجواء جميله جداً الايام الاولى من اكتوبر الحراره خفيفه بالنهار مع وجود الضباب ويبرد الجو بالليل درجات الحراره من 11-20 درجه
التكلفه ع حسب نوع السكن و نوع السيارة إذا تبي تذكرة رخيصة ويز اير من الرياض - فيينا بالنسبة للبرد لا بد من وجود الجاكيتات وإذا تبي بالضبط درجة الحراره عندك مواقع درجات الحراره وتساقط الثلوج بيكون في القمم
انا سافرت ب١٣ اكتوبر الماضي كانت بدايه نزول الثلوج بالقمم و تغطت بالثلوج ببدايه نوفمبر اما هذا العام الشتاء بكرر عليهم التكلفه من ٢٠-٢٥ بدون التذاكر والتاشيره و قد تزيد او تنقص حسب الشخص
بالنسبة للأجواء اعطيك ياها من قلب الحدث ، بما انو عايش في ميونيخ بالتحديد وقريب من نمسا . الاجواء من الان شتاء شتاء ، يبدو بلش عندنا الشتاء بقوة، درجة الحرارة الحين عندي 8
بيكون الجو بارد واذا تبون البرد اوكيه. واذا تبون جوو حلو في اكتوبر وليس بارد مرره ويكون حلو برشلونة اسبانيا
انا العام طلعت في ١٣ اكتوبر الجو حلو برد خفيف والطبيعة حلوة وهذي من تصويري العام في اكتوبر في تيرول
ثلج بيكون راح وقت المطر..عندك لندن وهولندا اللي ممكن اجواءه كويسه ..