الس
رحلتي كانت ١٥ يوم قسمتها بين
بانكوك ليله
بوكيت ٥ ليالي
كرابي ٤ ليالي
بانكوك ٥ ليالي
اكتفيت بهذي المناطق لان غرضي اكثر استرخاء و شفت اللي يناسبني من المناطق
بوكيت رحت فيها فعاليات اللي تناسبني
مثلاً ركوب البقي ، الالعاب المائيه ، و باقي الايام حبيت استكشف المنطقه بطريقتي و اجرب المطاعم اللي عليها مدح رحت الاولد تاون بس كانت مقفله للاسف
كرابي ❤️ عشقتها و حبيت الهدوء اللي فيها جداً ناسبتني رايقه و اهلها ناس بسيطين
التنقلات فيها اخذ زوجي دباب و ماخلينا مكان فيها بالدباب كانت احلى فعاليه
و قضيتها على البحر و مساج قدام الشاطيء و رحت جزيره برايڤت ٥ ساعات عشان اسبح و المويه كانت صافيه جدا فيها
المطاعم كنت اروح مطعمين واحد سي فود و الثاني هندي
اخر ايام قضيتها في بانكوك شوبينق و استكشاف
الاخطاء :
اول شي مهما كان سعر التذاكر الطيران رخيصه لا تاخذون رحلات ترانزيت كثيره و اذا كان ترانزيت واحد يكون على دوله خليجيه بدون فيزا و مرمطه
رحلتي كانت ترانزيت للهند تمرمطت فيها و راحت علينا الرحله و دفعنا ٣٠٠٠ قيمة تذاكر جديده كلفنا التذاكر الاساسيه ٩٠٠٠ و ٣٠٠٠ حقت التذاكر الجديده يعني خساير ع الفاضي
ثاني خطاء الفلوس اللي تاخذها معك تاكد تكون جديده و ماتكون مشخمط عليها او مقطوعه شوي لان مايقبلون ولا مكان حولها لنا
ثالث خطاء لا تضيع الايام ب البحث عن فنادق و تنقلات كثيره و مو لازم تروح كل مكان و كفي و جزيره عشان ارهاق جسدي و تكاليف ماديه
روحو للمهمة فقط مو لازم مع الهبه و افضل تكون السفره مريحه مو عنا
رابع خطاء اخر يوم لنا في بانكوك كنا في فندق حلو و مارضيو يحسبون لنا نص يوم المهم سوينا شك اوت و رحنا فندق رخيص قيمتة ٦٠٠بات بالليله
الفندق دخلناه العصر و حطينا اغراضنا و طلعنا كان الفندق نظيف و اللي في الاستقبال حرمة كبيره ب السن
لما جا العشا قلنا نريح ساعه عشان رحلتنا ١١ في الليل
صلينا انا و زوجي المغرب و العشا بعد ما خلصنا الصلاه الا الغرفه فيها اصوات و اغراضي تطيح في الارض و اذيه طلع ان الفندق مسكون بسم الله
شغلنا سورة البقره يدوب ساعه و طلعنا من الفندق المكان في الليل كان يموت رعب الشارع اسمه سخومفيت ٣٣
الفندق نظيف مررره لاكن مسكون فأنتبهو ماينفع فنادق رخيصه ابدا
طبعاً باكرر الزياره لتايلاند كثيررر
كل واحد يختار اللي يناسبه
بس افضل اذا شهر عسل او ريلاكس ماله داعي الجزر الكثيره و التنقلات لانها مرهقه جسدياً و مادياً
الفعاليات كنت احجز من المكاتب في الشارع و اقارن بالاسعار
التنقلات كلها طيران
من بوكت لكرابي بوت
قهوه كنت ماخذه معي قهوه مقطره اصب مويه حاره عليها بس لمحبين القهوه و اخذت معي بروتين بار
و كنت اخذ من ستاربكس اذا طلعت و ابغا قهوه اروق
علاجات اخذت معي فيتامينات و دوا للمغص و دوا للزكام للطواريء بس الحمدلله ماحتجتها بس في كرابي زكمت شوي و كنت اخذ فيتامين سي
الفنادق بحط اسمها اللي سكنت فيها بس مو شرط تناسب الجميع انا عني كنت مقتنعه فيها ماعدا اخر فندق♀️
-بانكوك
Siam@siam
اعطيه ١٠ نجوم كل شي عجبني و الڤيو❤️
-بوكيت
Amala grand مسبح خاص
اعطيه ٩ نجوم عشان حجم الغرفه و المسبح الخاص و المنظر الحلو
ليلتين في
the nature phuket
اعطيه ٤ نجوم بسبب الريحه
-كرابي
Bluesotel smart
اعطيه ١٠ نجوم
-بانكوك
citadines Sukhumvit 8
اعطيه ٤ نجوم الفطور سيء و السرير مو مريح و صغير
اخر فندق مابحط اسمه
و هذا علمي و سلامتكم
تايلاند جميله و وناسه و بلد رومنسيه و فله و كل المشاعر الحلوه فيها