تجربتي في اكسبو:
اكسبو شي ما يتكرر والإمارات بدعت فيه بشكل كبير ، بالنسبة لي كملت ٦ ايام من الصباح إلى الليل ولا خلصته .. وتراه فرصة ما تكرر لذلك لا يفوتك.. يفتح المركز من ٩ ونص الى ١٠ مساءا للأجنحة و١٢ للأكسبو بشكل عام .. يوجد حافلات تنقل داخلية بين المناطق وخارجية بين المواقف والبوابة الرئيسية..
بالنسبة للمواقف ما يهم بأي مواقف تروح لأن فيه باص ياخذك للبوابة ويرجعك للمواقف في وقت قصير مايتجاوز ١٠ دقايق كأقصى شي .. فحتى لو توقف بعيد ماراح تفرق .. اهم شيء وقف بالمواقف اللي قريبه من منطقتك، مثلا لو تبي تستكشف منطقة الفرص يصير وقف في مواقف الفرص أقرب لك..
- التذاكر تقدر تشتريها من الموقع الرسمي او من البوابة.. في وسط الاسبوع دخول واحد ٤٥ درهم.. نهاية الاسبوع دخول واحد ٩٥ درهم .. دخول متعدد ١٩٥ درهم.. بعض الخطوط يعطونك تذكرة مجانية عند الوصول وفيه عرض من الاتصالات الاماراتية تاخذ باقة اسمها زوار ب ٢٠٠ درهم تعطيك ٦٠٠ دقيقة محلية ودولية و ٢٢ جيجا نت و تذكرة مجانية دخول متعدد لأكسبو. تقدر تروح اي فرع للاتصالات وتطلعها تحتاج جواز سفر بس
- فيه صرافات سحب والشبكة متوفرة في اغلب الأماكن تقدر تدفع بالبطاقة.
اكسبو هو معرض يتكون من ثلاث مناطق رئيسية:
١- منطقة الفرص ولونها برتقالي
فيها جناح عالم الفرص يتكلم عن الفرص المتاحة في العالم بشكل عام. وفيه أجنحة دول هدفها الرئيسي توصل للعالم وتقول لهم ترى عندنا فرص في دولتنا تعالوا استثمروا
٢- منطقة الإستدامة لونها أخضر (الاستدامة يعني كيف ما نعتمد على النفظ والاشياء اللي تضر كوكب الأرض ونحول على اشياء طبيعية مثل الشمس والمياة .. إلخ)
فيها جناح تيرا الخاص بالإستدامة وجهود العالم في الاستدامة. وفيه أجنحة دول هدفها الرئيسي جهود الدولة في الاستدامة وخططها.
٣- منطقة التنقل ولونها بنفسجي (هدفها عرض مستقبل التنقل من السيكل إلى الصاروخ كيف ممكن يصير وكيف نتفادى تأثيره على كوكب الأرض)
فيها مبنى ألِف اللي هو جناح التنقل ويستعرض عالم التنقل وجهود العالم في هذا المجال. وفيها أجنحة دول هدفها الرئيسي جهودها في التنقل وخططها المستقبلية.
وفيه ١٠ منصات للعروض (منصة الأرض، منصة البحر ، منصة اليوبيل.. إلخ) تقام فيها بأوقات مختلفة. العروض تكون خاصة ببلد معين او فرقة معينة .. ويكون قدامها مقاعد تجلس وتشاهد
فيه ٩ حدائق في اماكن متنوعة اذا تبي تستريح فيها فيها جلسات ومظللة وبعضها تكون قريبة من منصات العروض أو داخلها.
فيه ٧ مراكز زوار متفرقة .. بدورات مياة ومصلى ومركز معلومات وسوبرماركت وجهاز لإستئجار البطارية المتنقلة ، فيه ١٠ مراكز رعاية طبيه ، فيه ٥٠ نافورة مجانية لمياة الشرب. فيه ملعب كورة وسلة وتنس (تقدر تلعب معاهم اذا تبي) وفيه نادي رياضي .. فيه استئجار لعربيات المسنين وللأطفال. أيضاً يوجد عربات طعام وعربات قهوة وعربات حلا أو سناكات متوفرة في أماكن مختلفة..
- يوجد ماركت أو سوق عام يحتوي على محلات كثيرة يعرض أشياء ممكن تشتريها ، تكون مجمعة من الدول أو مميزة.
- يوجد شلالات مياة جميلة بجانب السوق العام تخرج المياة مع الموسيقى وتقدر تنزل الى اطراف الشلال عشان الماء يلامس رجلك
- كل جناح دولة يكون فيه جزء مخصص للثيم مثلاً الفرص ، ولكن باقي المعرض مخصص للدولة وتقدر تشوف تراثهم والمعلومات أغلبها بالعربي. أيضاً يوجد شخص من نفس الدولة داخل الجناح تقدر تسأله عن الدولة أو أي شي وراح يجاوبك بكل أريحية.
- أغلب الأجنحة عند الخروج يكون فيه ركن تقدر تشتري منه خاص بالدولة مثلاً شاهي أو قهوة أو ملابس أو عسل أو عطر أو ساعة أو تذكار او شوكولاته.. إلى آخره. الأغراض تكون فعلاً خاصة بالدولة وجايبينها معهم من دولتهم.
- أيضاً ممكن تلقى داخل جناح الدول كوفي أو مطعم يقدم وجبات أو سناكات كأنك رايح لنفس الدولة وهذا شيء مميز جداً.
- فيه تطبيق Exp 2020 dubai احسن شي تحمله عشان تقدر تحجز منه الطايور السريع اذا فيه زحمة على الجناح بس لازم حجزك يكون قبلها بفترة. وتقدر تشوف مكانك الحالي واقرب الاماكن لك وتقدر تشوف انواع المطاعم والعروض اللي حولك
- اكسبو فيه واي فاي سريع تقدر تستخدمه بأي مكان.
- فيه جواز تقدر تشتريه من مركز الزوار ب ٢٠ درهم.. واي دولة تزورها عند الخروج تختم الجواز .. تذكار يعني
بشكل عام الامارات بدعت جدا في هذا المعرض. لا تفوت زيارته