ملخص زيارتي للقرية العالمية الثلاثاء ٢٩ نوفمبر ٢٠٢٢
أجمل مكان حقيقي في دبي الآن خاصة من ناحية تنوع الأكل والعروض
التركية : معروفة بالبقلاوه وأسعار مرتفعه نوعاً ما لكن نظيفة ( كشكك لوحده أول ما تدخل على يسارك)
المصرية؛ ملابس قطنية وعندهم عروض عليها. ٣ قطع أو ٤ ب ١٠٠ درهم
الإيرانية : عندهم شاهي بالزعفران ممتاز ربع كيلو ب ٦٠ درهم تقريباً.
ودرابيل إسألوا عنها وفيه عينات تجربة.
واللي يبغى بطاطس للأطفال برضه أكياس متوفره ورخيصه.
السعودية : التمر والرطب بأنواعه. وضيافة القهوة مميزه
الإمارات : اللبان الحوجري والحلوى العمانيه ( الصفار)
وفيه قسم بالخلف جلسات شعبيه وضيافة مجانيه تقدر تجلس وترتاح.
فلسطين : الزعتر وزيت الزيتون والمراميه الخ. أسعار مرتفعه تحتاج تكاسر لكن عن تجربة العام الماضي جوده ممتازه
فيه عرض السنه هذي اسمه أكو أكشن ممتاز للأطفال والمراهقين سعر التذكرة ١٥ ريال للشخص
وهذا تعريف فيه
https://www.globalvillage.ae/ar/shows-events/aqua-action-stunt-show
نجي لتجارب الكشكات
١- محل ملفوف وهريس مقابل قسم باكستان تقريباً أكل شعبي منوع مرقوق وجريش وهريس الخ.. سعر الصحن ٣٠ درهم
بالنسبة لي أشوفه ممتاز
٢- كالعاده البيت البوسني مميز بالكباب البوسني مع الخبز السعر ٣٥ - ٣٨
٣- شاهي الكرك موجود مقابل التركية كاس فخار ١٠ درهم تجربة طيبه
هذا باختصار والقرية العالمية فيها تفاصيل أكثر